சவூதி அரேபியாவில் சிவராசா அனோஜனுக்கு விதிக்கப்பட்ட மரண தண்டனையை இரத்துச் செய்வதற்கான தீர்மானத்தைத் தொடர்ந்து, அவரது வழக்கில் ஏற்பட்டுள்ள சாதகமான முன்னேற்றத்தை மனப்பூர்வமாக வரவேற்பதாக இலங்கைத் தமிழரசுக் கட்சியின் நாடாளுமன்ற உறுப்பினர் இரா. சாணக்கியன் தெரிவித்துள்ளார்.
இந்த முன்னேற்றம் அவரது குடும்பத்தினருக்கு ஆறுதலையும் நம்பிக்கையையும் அளித்துள்ளதாகக் குறிப்பிட்ட அவர், தேவையான சட்ட நடைமுறைகள் நிறைவடைந்து, சிவராசா அனோஜன் பாதுகாப்பாக இலங்கைக்குத் திரும்பி குடும்பத்தினருடன் இணையும் வரை முயற்சிகள் தொடரும் எனத் தெரிவித்துள்ளார்.
மேலும், இந்த முயற்சிக்குப் பங்களித்த அரசாங்கங்கள், இராஜதந்திரப் பிரதிநிதிகள், சட்ட வல்லுநர்கள் மற்றும் அனைவருக்கும் தனது நன்றியையும் அவர் தெரிவித்துள்ளார்.
