இலங்கையில் தடுத்து வைக்கப்பட்டிருந்த இரண்டு இந்திய மீனவர்கள் விடுதலை செய்யப்பட்டு, மீண்டும் இந்தியாவுக்கு அனுப்பி வைக்கப்பட்டுள்ளனர்.
அவர்கள் தற்போது பாதுகாப்பாகத் தமது வீடுகளைச் சென்றடைந்துள்ளதாகத் தெரிவிக்கப்படுகிறது.
இரு நாடுகளுக்கும் இடையிலான கடல் எல்லை மீறல்கள் மற்றும் மீனவர்கள் கைது செய்யப்படும் சம்பவங்கள் தொடர்பில் முன்னெடுக்கப்படும் இராஜதந்திரத் தலையீடுகள் மற்றும் சட்ட நடவடிக்கைகளின் அடிப்படையில் இந்த விடுதலை இடம்பெற்றுள்ளது.
இதற்கு முன்னர், கடந்த முதலாம் திகதியும் 16 இந்திய மீனவர்கள் விடுதலை செய்யப்பட்டு இந்தியாவுக்கு அனுப்பி வைக்கப்பட்டிருந்தனர்.
இலங்கை – இந்திய மீனவர் பிரச்சினை இரு நாடுகளுக்கும் இடையில் தொடர்ச்சியாகப் பேசப்படும் முக்கியமான விடயமாகக் காணப்படுகிறது.
இவ்வாறான பிரச்சினைகளை எதிர்காலத்தில் தவிர்ப்பதற்கும், கடல் எல்லை மற்றும் மீனவ சமூகத்தின் பாதுகாப்பை உறுதிப்படுத்துவதற்கும் சம்பந்தப்பட்ட தரப்பினருக்கு இடையில் தொடர்ச்சியான பேச்சுவார்த்தைகள் முன்னெடுக்கப்பட்டு வருகின்றன.
