நுவரெலியா மாவட்டம், நோர்வுட் பிரதேச செயலகத்தில் அஸ்வெசும நிதியை மோசடியாகப் பெற்றுக்கொண்டதாக ஒப்புக்கொண்ட 14 ஊழியர்கள் தொடர்பில் விசாரணை நடத்துமாறு பொது நிர்வாக அமைச்சுக்கு அறிவிக்கப்பட்டுள்ளது.
இதனை நுவரெலியா மாவட்ட செயலாளர் துஷாரி தென்னகோன் தெரிவித்துள்ளார்.
இதேவேளை, அஸ்வெசும பிரிவுக்குப் பொறுப்பாக இருந்த இரண்டு அதிகாரிகள் விளக்கமறியலில் வைக்கப்பட்டுள்ளதுடன், மாவட்ட இளைஞர் சேவை அதிகாரி ஒருவரும் ஹட்டன் வலயத்தைச் சேர்ந்த ஆறு ஆசிரியர்களும் விசாரணையின் அடிப்படையில் பணியிடைநீக்கம் செய்யப்பட்டுள்ளனர்.
2023ஆம் ஆண்டு முதல் இடம்பெற்றதாகக் கூறப்படும் இந்த நிதி மோசடியின் பெறுமதி சுமார் 6 கோடி ரூபாயை நெருங்குவதாகத் தெரிவிக்கப்படுகிறது. மேலதிக விசாரணைகள் குற்றப் புலனாய்வுத் திணைக்களத்திடம் (CID) ஒப்படைக்கப்பட்டுள்ளன.
