பிரான்சின் பாரிஸ், மார்சேய், லியோன், லிமோஜ் உள்ளிட்ட பல நகரங்களில் ஏற்பட்ட வன்முறை மற்றும் கொள்ளைச் சம்பவங்களைத் தொடர்ந்து, பாதிக்கப்பட்ட பகுதிகளில் பகுதிநேர ஊரடங்கு மற்றும் போராட்டக் கட்டுப்பாடுகள் அமுல்படுத்தப்பட்டுள்ளன.
வாழ்க்கைச் செலவு அதிகரிப்பு, பொதுச் சேவைகளின் தரம் மற்றும் கல்வி நிலைமைகள் தொடர்பான அதிருப்தியை வெளிப்படுத்தி நடத்தப்பட்ட போராட்டங்கள் வன்முறையாக மாறியுள்ளன. இதன்போது கடைகள் சூறையாடப்பட்டதுடன், பொதுக் கட்டடங்களுக்கும் சேதம் ஏற்படுத்தப்பட்டுள்ளது. லிமோஜ் நகரில் உள்ள வரலாற்றுச் சிறப்புமிக்க நகர மண்டபத்திலும் தீ விபத்து ஏற்பட்டுள்ளது.
பிரதமர் செபாஸ்டியன் லெகோர்னு தலைமையில் அதிகாரிகள் அவசர ஆலோசனைகளை நடத்தியதுடன், வன்முறையில் ஈடுபட்டவர்களுக்கு எதிராக சட்ட நடவடிக்கைகள் முன்னெடுக்கப்படுவதாக அறிவிக்கப்பட்டுள்ளது. பிரான்ஸ் உள்துறை அமைச்சின் தகவலின்படி, சுமார் 2,400 பேர் கைது செய்யப்பட்டுள்ளதுடன், கிட்டத்தட்ட 1,000 பொலிஸார் மற்றும் பாதுகாப்புப் படையினர் காயமடைந்துள்ளனர்.
