தேசிய மக்கள் சக்தி (NPP) அரசாங்கத்திற்கு அஞ்சப்போவதில்லை என்றும், தமது போராட்டம் தீர்வு கிடைக்கும் வரை தொடரும் என்றும் உலபனே சுமங்கல தேரர் தெரிவித்துள்ளார்.
ஞானசார தேரருக்கு ஜனாதிபதி பொதுமன்னிப்பு வழங்க வேண்டும் என்றும், பௌத்த சாசனத்தைப் பாதுகாக்க வேண்டும் என்றும் வலியுறுத்தி முன்னெடுக்கப்படும் சத்தியாக்கிரகப் போராட்டம் இன்று ஆறாவது நாளாகத் தொடர்கின்றது.
இந்நிலையில், ஊடகங்களுக்குக் கருத்துத் தெரிவித்த உலபனே சுமங்கல தேரர், தாம் நடத்திய பூஜையின் தாக்கம் ஆரம்பித்துள்ளதாகவும், தேசிய மக்கள் சக்திக்கு வாக்களித்தவர்கள் தற்போது வீதிகளில் நடக்கத் தொடங்கியுள்ளதாகவும் சர்ச்சைக்குரிய வகையில் குறிப்பிட்டார்.
“யமனுக்கே அஞ்சாத நாம் பெலவத்த ஆட்சியாளர்களுக்கு அஞ்சப்போவதில்லை. எமது வச கவியின் (சாபக் கவிதை) சக்தி மிகவும் வலிமையானது. தீர்வு கிடைக்கும் வரை எமது போராட்டத்தைக் கைவிடப்போவதில்லை” என்றும் அவர் தெரிவித்துள்ளார்.
