மட்டக்களப்பு பிரபல ஆண்கள் பாடசாலையான மட்/ புனித மிக்கேல் கல்லூரி தேசிய பாடசாலையின் 150 வது ஆண்டு நிறைவை முன்னிட்டு இன்றைய தினம் ஏற்பாடு செய்யப்பட்டிருந்த விஷேட நிகழ்வொன்றிற்கு ஜனாதிபதி ரணில் விக்கிரமசிங்க அவர்கள் பிரதம அதிதியாக கலந்து சிறப்பித்திருந்தார். குறித்த நிகழ்வானது பாடசாலையின் அதிபர் திரு. ஜோசப் பெனடிக்ட் அவர்கள் தலைமையில் பாடசாலையின் உள்ளக அரங்கில் ஒழுங்கு செய்யப்பட்டிருந்தது.
இந்நிகழ்வில் மட்டக்களப்பு மறை மாவட்ட ஆயர் அதி வணக்கத்திற்குரிய பொன்னையா ஜோசப் ஆண்டகை, கிழக்கு மாகாண ஆளுநர் கௌரவ செந்தில் தொண்டமான், வர்த்தக வாணிப இராஜாங்க அமைச்சர் கௌரவ சதாசிவம் வியாளேந்திரன், மட்டக்களப்பு மாவட்ட அபிவிருத்தி குழுத்தலைவர் சிவநேசதுரை சந்திரகாந்தன், பாடசாலையில் பழைய மாணவர் சங்க உறுப்பினர்கள், ஆசிரியர்கள், மாணவர்கள், பெற்றோர்களென பலரும் கலந்துகொண்டிருந்தனர்.
