காசாவில் உள்ள அஹ்லி அரபு மருத்துவமனையின் மீது மேற்கொள்ளப்பட்ட இஸ்ரேலிய விமானத் தாக்குதலில் 500 பேர் கொல்லப்பட்டதாக காசா சுகாதார அமைச்சகம் தெரிவித்துள்ளது.
அல்-அஹ்லி மருத்துவமனையின் புகைப்படங்கள், உடைந்த கண்ணாடி மற்றும் உடல் பாகங்கள் உள்ளிட்ட புகைப்படங்களை வெளியிட்டு 500 பேர் கொல்லப்பட்டதாக அமைச்சகம் தெரிவித்துள்ளது.
இங்கு ஆயிரக்கணக்கான பொதுமக்கள் இடைவிடாத தாக்குதல்களில் இருந்து மருத்துவ சிகிச்சையை பெற்று வருகின்றனர்.
தாக்குதலில் நடத்தப்பட்ட மருத்துவமனை குழந்தைகள் நிறைந்த மருத்துவமனை என்பது குறிப்பிடத்தக்கது.
அதேசமயம் காஸாவில் உள்ள அல் அஹில் மருத்துவமனை மீது தாக்குதல் நடத்தவில்லை என்றும், ஹமாஸ் போராளிகளால் மருத்துவமனை தாக்கப்பட்டதாகவும் இஸ்ரேல் கூறியுள்ளது.
இஸ்ரேலை குறிவைத்து ஹமாஸ் போராளிகள் அனுப்பிய ஏவுகணை வழிதவறி மருத்துவமனையை தாக்கியதாக இஸ்ரேல் மேலும் தெரிவித்துள்ளது.
