பிரதேச சிறுவர் சபை கூட்டம் மண்முனை வடக்கு உதவி பிரதேச செயலாளர் சியாஹூல் ஹக்கின் வழிகாட்டுதலின் கீழ், சிறுவர் நன் நடத்தை மற்றும் சிறுவர் பராமரிப்பு சேவைகள் திணைக்களத்தின் எற்பாட்டில் இடம்பெற்றது.
மண்முனை வடக்கு பிரதேச செயலக டேபா மண்டபத்தில் நேற்று (18) இடம் பெற்ற இக் கூட்டத்தை
சிறுவர் சபையின் தலைவர் பி.சஞ்ஜய் தலைமைதாங்கியிருந்தார்.
இதன் போது சிறுவர் கழகங்களினால் இனங்காணப்பட்ட சவால்கள், பிரச்சினைகள் தொடர்பாக விரிவாக கலந்துரையாடப்பட்டதுடன், குறித்த கூட்டத்தில் அதிகளவான சிறுவர்கள் ஆர்வத்துடன் பங்குபற்றியிருந்தனர்.
அதேசமயம் இந்நிகழ்வில் சிறுவர் உரிமைமேம்பாட்டு உத்தியோகத்தர்களான ச.அருட்செல்வம் மற்றும் அ.அழகுராஜா உள்ளிட்டோர் கலந்து கொண்டதுடன், எதிர்காலத்தின் முன்னேற்ற பாதைக்கான அறிவுறுத்தல்களும் அவர்களினால் வழங்கப்பட்டது.
