மட்டக்களப்பு காந்திபூங்காவிற்கு முன்பாக நேற்றையதினம் காலை 11 மணியளவில் தனிநபர் போராட்டமொன்று முன்னெடுக்கப்பட்டுள்ளது. தளவாய் சவுக்கடியை சேர்ந்த சண்முகராசா மதி என்னும் இளைஞர் ஒருவரே மேற்படி போராட்டத்தில் ஈடுபட்டுள்ளார்.
வெளிநாடு அனுப்பி வைப்பதாக கூறிய மாத்தறையிலுள்ள முகவர் ஒருவரிடம் 16 இலட்சத்து 80 ஆயிரம் ரூபாவை வழங்கிய நிலையில் முகவர் தன்னை ஏமாற்றியதால் அதற்கு தகுந்த தீர்வினை பெற்றுத்தருமாறு கோரி மேற்படி போராட்டம் முன்னெடுக்கப்பட்டுள்ளது. சம்பவ இடத்திற்கு வருகை தந்த மட்டக்களப்பு தலைமையக பொலிஸார் மேலதிக விசாரணை நடவடிக்கைகளுக்காக குறித்த இளைஞரை மட்டக்களப்பு தலைமையக பொலிஸ் நிலையத்திற்கு அழைத்துசென்றமை குறிப்பிடத்தக்கது.
