ஜெயலலிதாவின் அண்ணன் என்றுகூறி, அவரின் சொத்தில்பங்கு கேட்டு பெங்களுரரை சேர்ந்த 83 வயது முதியவர் தாக்கல் செய்திருந்த வழக்கை சென்னை உயர் நீதிமன்றம் விசாரணைக்கு ஏற்றுள்ளது. முன்னாள் முதல்வர் ஜெயலலிதாவின் சொத்துகளுக்கு சட்டப்படியான வாரிசுகள் என அவரின் அண்ணன் மகள் ஜெ. தீபா, மகன்ஜெ. தீபக் ஆகியோரை அறிவித்து உயர் நீதிமன்றம் தீர்ப்பளித்தது. இந்நிலையில், ஜெயலலிதாவின் சகோதரர் என்று கூறி, பெங்களுரருவைச் சேர்ந்த என். ஜி. வாசுதேவன் (83) சென்னை உயர் நீதிமன்றத்தில் வழக்குத் தொடர்ந்துள்ளார்.
அவரது மனுவில் கூறியதாவது:எனது தந்தை ஆர். ஜெயராமுக்கு இரு மனைவிகள். முதல் மனைவி ஜெயம்மாவுக்கு நான் ஒரே மகன். இரண்டாவது மனைவி வேதவல்லிக்கு ஜெயக்குமார், ஜெயலலிதா என இருவர் பிறந்தனர். இந்த வகையில் ஜெயக்குமாரும், ஜெயலலிதாவும் என்னுடைய ஒன்றுவிட்ட சகோதர, சகோதரி ஆவார்கள். 1950இல் எனது தந்தையிடம் ஜீவனாம்சம் கோரி மைசூர் நீதி
மன்றத்தில் எனது அம்மா ஜெயம்மா தொடர்ந்த வழக்கில் வேதவல்லி, ஜெயக்குமார், ஜெயலலிதா ஆகியோர் எதிர் மனுதா ரர்களாக சேர்க்கப்பட்டிருந்தனர்.ஆனால், அந்த வழக்கு சமர சமாகி விட்டது. ஜெயலலிதா வின் அண்ணன் என்ற முறையில் நான்தான் நேரடி வாரிசு. எனவே, ஜெயலலிதாவின் சொத்துகளில் 50 சதவீதத்தை என்னிடம் ஒப்ப டைக்க வேண்டும் என்று தீபா, தீபக் ஆகியோருக்கு உத்தரவிட
வேண்டும். இவ்வாறு மனுவில் கோரிஇருந்தார்.நேற்று முன்தினம் விசாரணைக்கு வந்தபோது வழக்கை
விசாரிக்க நீதிமன்றம் ஏற்றுள்ளது.
