மட்டக்களப்பிலிருந்து வவுனியா சென்ற வேன் விபத்து!

ஹொரவப் பொத்தானை – கெப்பித்திக் கொல்லாவ பிரதான வீதி, கிவுளக்கடை பகுதியில் வேனொன்று விபத்துக்குள்ளானதில் 11 பேர் காயமடைந்துள்ளனர்.

இன்று (10.11.2023) காலை இந்த விபத்து இடம்பெற்றுள்ளதுடன்,மட்டக்களப்பில் இருந்து வவுனியாவுக்கு நேர்முகத் தேர்வு ஒன்றுக்காக சென்றவர்களே இந்த விபத்தில் சிக்கியுள்ளனர்.

வாகனம் வீதியோர மின்கம்பத்துடன் மோதி விபத்துக்குள்ளாகியுள்ளதுடன்,விபத்தில் காயமடைந்தவர்கள் ஹொரவ் பொத்தானை வைத்தியசாலைக்கு கொண்டு செல்லப்பட்டுள்ளனர்.

அதேசமயம் மேலதிக சிகிச்சைக்காக 4 பேர் அநுராதபுரம் வைத்தியசாலைக்கு மாற்றப்பட்டுள்ளனர்.