இலங்கை சுங்க சட்டத்தை புதுப்பிக்க நடவடிக்கை எடுக்கவுள்ளதாக ஜனாதிபதி ரணில் விக்கிரமசிங்க தெரிவித்துள்ளார்.2024ஆம் ஆண்டுக்கான பட்ஜெட் நேற்று முன்தினம் பாராளுமன்றில் சமர்ப்பிக்கப்பட்டது.
இதன்போதே ஜனாதிபதி இதனை குறிப்பிட்டார்.அவர் மேலும் தெரிவிக்கையில்-2032ஆம் ஆண்டளவில்
இலங்கையின் அரச கடன் 95 சதவீதமாகக் குறைக்கப்படும் என எதிர்பார்க்கப்படுகிறது.
அரச வங்கிகளின் 20 சதவீத பங்குகளை மூலோபாய முதலீட்டாளர்கள் அல்லது பொதுமக்களுக்கு வழங்க நடவடிக்கை எடுக்கப்படும்.
வங்கிக் கட்டமைப்பில் மூலதனத்தை மேம்படுத்தும் செயன்முறைக்கு ஆதரவளிப்ப தற்காக 450 மில்லியன் ரூபாய் ஒதுக்கிடப்படும்.பருவநிலை மாற்றம் தொடர்பான ஆணைக்குழு விரைவில் ஸ்தாபிக்கப்படும்.
பருவநிலை மாற்றம் தொடர்பான பல்கலைக்கழகமொன்றை நிறுவுவதற்காக கொத்மலை பகுதியில் 600 ஏக்கர் காணி ஒதுக்கப்படவுள்ளது-என்றார்.
