வெளியிடப்பட்ட வர்த்தமானி ரத்து!

சீனிக்கான அதிகபட்ச சில்லறை விலையை நிர்ணயித்து நுகர்வோர் விவகார அதிகார சபையினால் வெளியிடப்பட்ட வர்த்தமானி அறிவித்தல் ரத்து செய்யப்பட்டுள்ளது.

இது தொடர்பான புதிய வர்த்தமானி அறிவிப்பு வெளியிடப்பட்டுள்ளது.

பொதி செய்யப்படாத 1 கிலோ வெள்ளை சீனிக்கு அதிகபட்ச சில்லறை விலையாக 275 ரூபாயும், பொதி செய்யப்பட்ட ஒரு கிலோ சீனிக்கு 295 ரூபாயும் நிர்ணயம் செய்து கடந்த 3 ஆம் திகதி வர்த்தமானி அறிவித்தல் வெளியிடப்பட்டிருந்தது.

மேலும், பொதி செய்யப்படாத 1 கிலோ சிவப்பு சீனிக்கு 330 ரூபாவும், பொதி செய்யப்பட்ட சிவப்பு சீனிக்கு 350 ரூபாவும் அதிகபட்ச சில்லறை விலை நிர்ணயம் செய்யப்பட்டது.

இந்த நிலையில் புதிய வர்த்தமானி அறிவித்தலின் மூலம் இந்த விலைகள் நீக்கப்பட்டுள்ளமை குறிப்பிடத்தக்கது.