ருவிற்றர் சமூகவலைத்தள செயலியின் லோகோவை எலான் மஸ்க் மாற்றியுள்ளார்.ருவிற்றர் என்றாலே நினைவுக்கு வருவது நீல நிறக் குருவிதான். ஆனால் அந்தக் குருவியின் படத்திற்குப் பதிலாக ஒரு நாயின்
படத்தை லோகாவாக மாற்றியுள்ளார் எலான் மஸ்க். இருப்பினும் ருவிற்றர் மொபைல் பதிப்பில் இந்த மாற்றம் அமுல்படுத் தப்படவில்லை.
கடந்த ஆண்டு ஒக்ரோபரில் 44 பில்லியன் டொலருக்கு ருவிற்றர் தளத்தை வாங்கி இருந்தார் மஸ்க். அது முதல் பல்வேறு மாற்றங்களை அவர் மேற் கொண்டு வருகிறார். ப்ளுர டிக் கட்டண சந்தா முறை தொடங்கி பல மாற்றங்கள் இதில் அடங்கும். தளத்தில் தொழில்நுட்ப மாதிரி யான அம்சங்கள் மட்டுமல்லாது நிர்வாக ரீதியாகவும் மாற்றங் களை மேற்கொண்டு வருகிறார். ஆட்குறைப்பு நடவடிக்கையும் இதில் அடங்கும்.
இந்நிலையில் யாரும் எதிர்பாராத வகையில் ருவிற்றர் செயலியின் லோகோவையே மாற்றி அதிரடி காட்டியுள்ளார் எலான் மஸ்க்.
ருவிற்றரின் லோகோவை ஏன் மாற்றினார் என்பதற்கும் எலான் மஸ்க் தனது ருவிற்றர் பக்கத்தி லேயே விளக்கமளித்துள்ளார்.முன்னர் ஒரு பயனர் தன்னிடம் ருவிற்றர் லோகோவை 2
‘Doge’ படமாக மாற்றக் கூறியதால் தான் மாற்றியுள்ளதாக தெரிவித்துள்ளார். கடந்த மார்ச் மாதம் இந்த உரையாடல் நடந்துள்ளது. அப்போது அந்தப் பயனருக்கு எலான் மஸ்க், லோ கோவை மாற்றுவதாக உறுதியளித்துள்ளார். அதன்படியே தற் போது நீல குருவிக்குப் பதிலாக லோகோவான நாய் படத்தை மாற்றியுள்ளதாகக் கூறியுள்ளார்.
எலான் மஸ்க்கின் இந்த நட வடிக்கையால் ‘Dogecoin’ எனப் படும் க்ரிப்டோகரென்சி நிறுவ னத்தின் பங்குகள் 20 வீதம் உயர்ந்துள்ளதாக தகவல்கள் தெரிவிக்கின்றன.இந்த நாய் ஜப்பான் நாட்டின்
ஷிபு வகை நாயாகும். இது பிரபல Dogecoin கிரிப்டோகரன் ஸியின் லோகோவாகும். இந்த
லோகோ அந்த நிறுவனத்தால் 2013 ஆம் ஆண்டு வெளியிடப்பட்டது. பிட்கொயின் உள்ளிட்ட பிற கிரிப்டோகரன்ஸிகளைப் பகடி செய்வதற்காக இந்த லோகோ உருவாக்கப்பட்டது.
இந்நிலையில் எலான் மஸ்க் ருவிற்றரில் ஒரு மீமையும் பகிர்ந்துள்ளார். அதில் ஒரு காரில் ஷிபா வகை நாய் ஓட்டுநர் இருக்கையில் அமர்ந்துள்ளது. ஒரு பொலிஸ் அதிகாரி அதனிடம் லைசன்ஸை பரிசோதிக்கிறார்.
அதில் நீலக் குருவி படம் இருக்க நாய் அது பழைய படம் என்று விளக்குவது போல் உள்ளது.
