ஜெயந்திபுரம் முழுமதி சகவாழ்வு சங்கத்தின் 2023 ஆம் ஆண்டின் ஒளிவிழா நிகழ்வானது கடந்த 2023.12.09 திகதி சனிக்கிழமை பிற்பகல் 3 மணியளவில் ஜெயந்திபுரம் பல் தேவை கட்டடத்தில் மிகவும் சிறப்பாக நடத்தப்பட்டது.
இந்நிகழ்வில் பிரதம அதிதியாக மட்டக்களப்பு ACTED நிறுவனத்தின் திட்ட முகாமையாளர் திரு இ.கஜேந்திரன் அவர்களும் சிறப்பு அதிதியாக ஜெயந்திபுரம் கெஸ்தமணி கொஸ்பல் தேவாலய போதகர் வணக்கத்திற்குரிய P.W. மரியதாஸ் அவர்களும் கௌரவ அதிதிகளாக கிராம உத்தியோகத்தர் திருமதி வி . டொமினிக், சமுர்த்தி உத்தியோகத்தர் திருமதி மே.லோரன்ஸ், அபிவிருத்தி உத்தியோகத்தர் திருமதி எஸ். பிரதீபன் மற்றும் குடும்ப நல உத்தியோகத்தர் திருமதி கௌ.செல்வக்குமாரன் ஆகியோர் கலந்து கொண்டனர். இந்நிகழ்வானது முழுமதி சகவாழ்வு சங்க தலைவர் திரு சு.முகுந்தன் அவர்களது தலைமையில் நடத்தப்பட்டது. இந்நிகழ்வில் ஒளிவிழா செய்தி கூறல், பாலன் பிறப்பு, நத்தார் தாத்தா வருகை, சிறார்களின் நிகழ்ச்சிகள் நிகழ்த்தப்பட்டதுடன்மாணவர்களுக்கான கற்றல் உபகரணங்களும் பரிசளிக்கப்பட்டன.
