கிழக்கில் பெய்து வரும் அடை மழை காரணமாக வெள்ளத்தில் பாதிக்கப்பட்டோர்களுக்கான உலர் உணவுப் பொதிகள் வழங்கும் நிகழ்வு பல்வேறு சமூக மட்ட நிறுவணங்களால் முன்னெடுக்க்ப்பட்டு வருகிறது.அதன் ஒரு நிகழ்வாக கோறளைப்பற்று பிரதேச செயலாளர் பிரிவின் கல்குடா.பேத்தாழை ஆகிய கிராமங்களில் வசிக்கும் தெரிவு செய்யப்பட்ட மாற்றுத் திறனாளிகள் குடும்பத்திற்கான ஒரு தொகுதி உலர் உணவுப் பொதிகள் நேற்று (22) வழங்கி வைக்கப்பட்டன.
வாழைச்சேனை பிரதேச வாழ்வின் உதயம் மாற்றுத் திறனாளிகள் அமைப்பினர் பிரதேச சமூகசேவையாளர் வெ.பிறைசூடியிடம் விடுத்த வேண்டுகோளின் அடிப்படையில் இன்றைய தினம் அவரது பிறந்த நாளை முன்னிட்டு ஏனையோர்களுக்கு முன்னுதாரணமான நிகழ்வாக இவ் மனித நேய உதவி வழங்க்கபட்டன.இதற்கான நிதி அனுசரணையினை அவரது நண்பரான திருமு என்பவர் வழங்கி வைத்துள்ளார்.
