தமிழ் தேசிய மக்கள் முன்னணியின் நிலைப்பாடுகள் தொடர்பில் இதுவரையில் மக்களுக்கு தெரியாத நிலையே இருந்து வருவதாக தமிழ் தேசிய கூட்டமைப்பின் மட்டக்களப்பு மாவட்ட பாராளுமன்ற உறுப்பினர் இரா.சாணக்கியன் தெரிவித்தார்.
மட்டக்களப்பு பெரியல்லாறு மத்திய விளையாட்டு கழகத்தின் ஏற்பாட்டில் கழகத்தின் 14 ஆவது நிறைவினை முன்னிட்டு இரத்ததான முகாம் நேற்று(30.12.2023) பெரியகல்லாறு இந்து கலாச்சார மண்டபத்தில் இடம்பெற்றது.
இலண்டனில் உள்ள சுதாகர் கலிஷ்கா இரத்ததான முகாமிற்கான பூரண அனுசரணையினை வழங்கியிருந்தார்.
மட்டக்களப்பு போதனா வைத்தியசாலை மற்றும் கல்முனை ஆதார வைத்தியசாலை ஆகியவற்றின் இரத்த வங்கி பிரிவினரால் இந்த இரத்ததானமுகாம் நடாத்தப்பட்டது.
பெரியகல்லாறு மத்திய விளையாட்டு கழகத்தின் தலைவர் அ.அகிலன் தலைமையில் இடம்பெற்ற நிகழ்வில், பிரதம விருந்தினராக மட்டக்களப்பு மாவட்ட தமிழ் தேசிய கூட்டமைப்பின் பாராளுமன்ற உறுப்பினர் இரா.சாணக்கியன் கலந்துகொண்டார்.
சிறப்பு விருந்தர்களாக சர்வார்த்த ஸ்ரீ சித்தி விநாயகர் ஆலய வணக்கம் நே.கமல்ராஜ், சிவ சுப்பிரமணிய ஆலய தலைவர் பேரின்பராஜா, பெரியகல்லாறு பிராந்திய வைத்திய சாலையின் வைத்திய அதிகாரி டாக்டர் ஞானராஜா என பலரும் கலந்து கொண்டிருந்தனர்.
இதன்போது இரத்த கொடையாளிகளுக்கான நினைவுச் சின்னமாக ரீசேர்ட் ஒன்றும் வழங்கப்பட்டது.
