மட்டக்களப்பு காத்தான்குடி ஹைராத் நகர் பகுதியில் வெள்ளத்தினால் பாதிக்கப்பட்ட மக்களுக்கு பொதுமக்களின் உதவியுடன் ஹைராத் ஜும்ஆப் பள்ளிவாயல் நிர்வாகத்தினால் சமைத்த உணவு நேற்று வழங்கப்பட்டது.
மட்டக்களப்பு மாவட்டத்தில் தொடர்ந்து பெய்து வரும் மழை காரணமாக காத்தான்குடி ஆறாம் குறிச்சி, ஹைராத் நகர், மற்றும் ஆரையம்பதி செல்வா நகர் போன்ற பகுதிகளில் உள்ள உணவு சமைக்க முடியாத 200 குடும்பங்களுக்கு இந்த சமைத்த உணவுகள் வழங்கப்பட்டன.
சமைத்த உணவு வழங்கும் நடவடிக்கை இன்னும் சில நாட்களுக்கு மேற்கொள்ள உள்ளதாகவும் இதற்கு பொதுமக்கள் தங்களால் முடியுமானவர்கள் தங்கள் வீடுகளில் சமைக்கும் உணவுகளை மற்றவர்களுக்கும் கொடுத்து உதவுமாறு ஹைராத் ஜும்ஆப் பள்ளிவாயலின் உபதலைவர் முகம்மது ரஜாப் வேண்டுகோள்விடுத்துள்ளார்.
