மட்டக்களப்பு – ஏறாவூர் பிரதான வீதியிலுள்ள மயிலம்பாவெளி பகுதியில் போதை பொருள் கடத்தல் காரர்களை தேடி பொலிஸார் மற்றும் அதிரடிப்படையினர் விசேட சோதனையில் ஈடுபட்டனர்.
வாகனங்களை நிறுத்தி நேற்று (06) பிற்பகல் மேற்கொண்ட சோதனை நடவடிக்கையின் போது, 2186 தடை செய்யப்பட்ட சிகரட்டுக்களை கடத்திச் சென்ற 7 பேரை கைது செய்துள்ளதாக ஏறாவூர் பொலிஸார் தெரிவித்தனர்.
வாழைச்சேனை உதவி பொலிஸ் அத்தியட்சகர் ஜெமில் தலைமையிலும்,மாவட்ட போக்குவரத்து பொலிஸ் பிரிவு பொறுப்பதிகாரி சரத்சந்திரா உட்பட்ட போக்குவரத்து பொலிஸார் மற்றும் ஏறாவூர் பொலிஸ் நிலைய பொலிஸார், விசேட அதிரடிப்படையினர் இணைந்து இந்த சோதனை நடவடிக்கை மேற்கொண்டனர்.
பகல் 2 மணியில் இருந்து மாலை 6 மணிவரை மேற்கொள்ளப்பட்ட சோதனையின் போது கைது செய்யப்பட்டவர்களை விசாரணையின் பின்னர் நீதிமன்றில் ஆஜர்படுத்த நடவடிக்கை எடுக்கப்பட்டுள்ளதாக பொலிஸார் தெரிவித்தனர்.
