மஹியங்கனை பிரதேசத்தில் மனைவி கத்தியால் தாக்கியதில் ஓய்வு பெற்ற இராணுவ சிப்பாய் ஒருவர் உயிரிழந்துள்ளார்.உயிரிழந்தவர் மஹியங்கனை பிரதேசத்தை சேர்ந்த 42 வயதுடைய நபராவார்.
கணவன், மனைவி இருவருக்குமிடையில் ஏற்பட்ட வாக்குவாதம் முற்றியதால் மனைவி தனது கணவனை கத்தியால் தாக்கி கொலை செய்துள்ளதாக பொலிஸார் தெரிவித்தனர்.
உயிரிழந்தவர் சம்பவ தினத்தன்று இரவில் மது போதையில் வீட்டுக்கு வந்து தனது மனைவியை தாக்கி நஞ்சுத் திரவம் ஒன்றை கொடுத்து பருகுமாறு மனைவி மற்றும் பிள்ளைகளை வற்புறுத்தியுள்ளார்.
இந்நிலையில் மனைவி தனது பிள்ளைகளை காப்பாற்றுவதற்காக மன்னா கத்தியால் கணவனை தாக்கியுள்ளதாக பொலிஸார் விசாரணையில் தெரியவந்துள்ளது.
உயிரிழந்தவர் கடந்த சில நாட்களுக்கு முன்னர் மனைவியை தாக்கிய குற்றச்சாட்டில் விளக்கமறையில் வைக்கப்பட்டு விடுதலை செய்யப்பட்டவர் என விசாரணையில் மேலும் தெரியவந்துள்ளது.
சந்தேக நபர் நீதிமன்றத்தில் ஆஜர்ப்படுத்தப்படவுள்ளதாக மஹியங்கனை பொலிஸார் தெரிவித்துள்ளனர்.
