கொழும்பு, கிராண்ட்பாஸ் பகுதியில் சூரிய ஒளி நேரடியாகப் படும் வகையில் தின்பண்டங்கள் மற்றும் உணவுப் பொருட்களைக் களஞ்சியப்படுத்தி வைத்திருந்த வர்த்தகர் ஒருவருக்கு 41,000 ரூபா அபராதம் விதிக்கப்பட்டுள்ளது.
கொழும்பு மாநகர சபையின் பொதுச் சுகாதாரப் பரிசோதகர்கள் மேற்கொண்ட சோதனையின்போது, உணவுப் பாதுகாப்பு விதிமுறைகளை மீறும் வகையில் உணவுப் பொருட்கள் வைக்கப்பட்டிருந்தமை கண்டறியப்பட்டது.
இதனையடுத்து, குறித்த வர்த்தகருக்கு எதிராக 8 குற்றச்சாட்டுகள் முன்வைக்கப்பட்ட நிலையில், அவற்றை அவர் நீதிமன்றத்தில் ஒப்புக்கொண்டுள்ளார்.
இதன்போது, அவருக்கு 41,000 ரூபா அபராதம் விதித்த நீதிமன்றம், விதிமீறலுடன் தொடர்புடைய உணவுப் பொருட்களை அழிக்குமாறும் உத்தரவிட்டுள்ளது.
