அம்பாறையில் அண்மையில் ஏற்பட்ட வெள்ளப் பெருக்கின் பின்னர், முதலைகளின் நடமாட்டம் வயல் வெளிகளில் அதிகரித்துக் காணப்படுகிறது. காரைதீவு, மாவடிப்பள்ளி போன்ற பகுதிகளில் உள்ள வயல் வெளிகளில் வரப்புகளில் 15 அடிய நீளமாக முதலைகளை இனங்காண முடிவதாக விவசாயிகள் குறிப்பிடுகின்றனர்.
முதலைகளுக்கு அஞ்சியவாறே தினமும் வயல்களுக்கு செல்ல நேரிடுவதாக குறிப்பிடும் விவசாயிகள், சம்பந்தப்பட்ட அதிகாரிகள் விவசாய நிலங்களிலிருந்து முதலைகளை அகற்ற நடவடிக்கை எடுக்க வேண்டும் என்றும் கோரிக்கை விடுத்துள்ளனர்.
