கிழக்கு மாகாண கிராம அபிவிருத்தித் திணைக்களத்தின் கீழ் ஏறாவூர் பற்று பிரதேச செயலக பிரிவில் இயங்கிவரும் செங்கலடி மற்றும் கரடியனாறு மாதர் அபிவிருத்திப் பயிற்சி நிலைய 2023 ஆம் ஆண்டுக்கான வருடாந்த பிரதேச மட்ட கண்காட்சி மற்றும் விற்பனை நிகழ்வு செங்கலடி மாதர் அபிவிருத்தி பயிற்சி நிலையத்தில் நேற்று (24.01.2024) நடைபெற்றது.
ஏறாவூர் பற்று பிரதேச செயலாளர் அவர்களின் தலைமையில் இடம்பெற்ற இந் நிகழ்வில் பிரதம அதிதியாக கிழக்கு மாகாண கிராம அபிவிருத்தித் திணைக்கள பணிப்பாளர் அவர்களும் மேலும் கௌரவ அதிதியாக மட்டக்களப்பு மாவட்ட கிராம அபிவிருத்தி உத்தியோகத்தர் அவர்களும் மற்றும் விசேட அதிதிகளாக ஏறாவூர் பற்று பிரதேச செயலக பிரதி திட்டமிடல் பணிப்பாளர், கணக்காளர், நிருவாக உத்தியோகத்தர், மற்றும் மட்டக்களப்பு மாவட்ட சிரேஷ்ட தையல் போதனாசிரியை மற்றும் ஏனைய அதிதிகளும் கலந்து சிறப்பித்தனர்.
