மட்டக்களப்பு இருதயபுரத்தை சேர்ந்த இளைஞர் ஒருவர் தூக்கிட்டு தற்கொலை செய்துள்ளார். குறித்த இளைஞர் அண்மையில் வெளிநாட்டிலிருந்து வந்ததாகவும் நாடு திரும்பியதிலிருந்து யாருடனும் சரியாக பேசாமல் மற்றும் வெளியில் எங்கேயும் செல்லாமல் வீட்டிலே தனித்து இருந்ததாகவும் தெரிய வருகிறது.
இன்றையதினமும் வெளியில் செல்லாமல் வீட்டிலே தனித்திருந்த நிலையில் தூக்கிட்டு தற்கொலை செய்து கொண்டுள்ளார். வீட்டிற்கு முன்னாலுள்ள வீதியால் சென்றவர்கள் அவதானித்தபோது வீட்டினுள் ஒருவர் தூக்கில் தொங்கிய நிலையில் இருப்பது தெரியவந்துள்ளது. பின்னர் அயலவர்கள் உதவியுடன் அறையின் கதவு உடைக்கப்பட்டு குறித்த நபர் தூக்கிலிருந்து இறக்கப்பட்டுள்ளார். அப்பொழுதே குறித்த நபர் இறந்து விட்டதாக தெரியவந்துள்ளது.
தற்கொலைக்கான காரணம் இதுவரையில் தெரியவராத நிலையில் மட்டக்களப்பு பொலிஸார் மேலதிக விசாரணைகளை ஆரம்பித்துள்ளனர்.
