மட்டக்களப்பு மத்தி கல்வி வலயத்திற்குட்பட்ட ஏறாவூர் கல்விக் கோட்டத்தின் மீராகேணி சகாத் கிராமத்தில் யூ.எல்.தாவூத் வித்தியாலயம் எனும் பெயரில் புதிய ஆரம்பப் பாடசாலை அங்குரார்ப்பணம் செய்து வைக்கப்பட்டது.
மீராகேணி சகாத் கிராமம் பாடசாலை வளாகத்தில் மீராகேணி ரெட்சிப் அமைப்பின் தலைவரும் மட்டக்களப்பு மண்முனை வடக்கு உதவி பிரதேச செயலாளருமான எம்.ஆர் சியாஹூல் ஹக் தலைமையில் நிகழ்வு இடம்பெற்றது. பிரதம அதிதியாக மட்டக்களப்பு மாவட்ட பாராளுமன்ற உறுப்பினர் அலிஸாஹிர் மௌலானா கலந்துகொண்டார்.
அதிதிகளினால் பாடசாலையின் பெயர்ப்பலகை திரைநீக்கம் செய்யப்பட்டதோடு பாடசாலையும்
உத்தியோகபூர்வமாக திறந்து வைக்கப்பட்டது. மாணவர்களின் கலை நிகழ்வுகள் இடம்பெற்றதோடு, பாடசாலை உருவாக்கத்திற்காக அயராது பாடுபட்ட நபர்களும் கௌரவிக்கப்பட்டனர்.
