இன்று அதிகாலை 5.00 மணியளவில் மட்டக்களப்பு உன்னிச்சை பகுதியிலுள்ள வீடொன்று யானைத்தாக்குதலிற்குள்ளாகியுள்ளது. வேல்முருகு இளையதம்பி என்பவரது வீடே மேற்படி சேதமடைந்துள்ளது.
இரண்டு யானைகள் வந்து மேற்படி சேதத்தை ஏற்படுத்தியுள்ளன. பல சிரமங்களுக்கு மத்தியில் யானைகளை பிரதேசவாசிகள் விரட்டியுள்ளனர்.
உன்னிச்சை பிரதேசத்தில் இவ்வாறு யானைத்தாக்குதல் குறித்த சம்பவ பதிவுகள் தொடர்ந்து பதிவாகி வருகின்ற நிலையில் அரசாங்கமும் உரிய அதிகாரிகளும் இதற்கான பாதுகாப்பு நடவடிக்கைகளை உடனடியாக செய்து தரும்படி உன்னிச்சை கிராம மக்கள் கேட்டுக்கொண்டுள்ளனர்.
அனர்த்தம் குறித்து ஆயத்தியமலை பொலிஸ் நிலையத்தில் முறைப்பாடு பதிவு செய்யப்பட்டுள்ளமை குறிப்பிடத்தக்கது.
அதே வேளை மேற்படி பாதிக்கப்பட்ட குடும்பமானது வறுமை கோட்டின் கீழ் வாழ்ந்து வருகின்றமையால் சேதமடைந்த வீட்டினை சீரமைத்து தர நன்கொடையாளர்கள் எவரேனும் முன்வருமாறு குடும்பத்தினர் கேட்டு நிற்கின்றனர். அவ்வாறு சீரமைத்து தர முன்வருவோர் கீழ்காணும் இலக்கத்தினை தொடர்பு கொள்ளுமாறு கேட்டுக்கொண்டுள்ளனர்.
தொடர்புகளுக்கு – 0754195224
