நீதிமன்ற அவமதிப்புக் குற்றச்சாட்டு தொடர்பில் விளக்கமளிப்பதற்காக முன்னாள் அமைச்சர் விமல் வீரவங்சவை எதிர்வரும் நவம்பர் 30ஆம் திகதி நீதிமன்றத்தில் ஆஜராகுமாறு மேன்முறையீட்டு நீதிமன்றம் மீண்டும் அறிவித்துள்ளது.
முன்னாள் அமைச்சர் வெளியிட்ட சர்ச்சைக்குரிய கருத்து நீதிமன்ற அவமதிப்பை ஏற்படுத்தியுள்ளதாகக் குறிப்பிட்டு, கொழும்பு பிரதான நீதவான் நீதிமன்றத்தினால் தாக்கல் செய்யப்பட்ட முறைப்பாட்டை பரிசீலித்த பின்னரே இந்த உத்தரவு பிறப்பிக்கப்பட்டுள்ளது.
குறித்த முறைப்பாடு தொடர்பில் ஏற்கனவே விமல் வீரவங்சவுக்கு நீதிமன்ற அறிவித்தல் அனுப்பப்பட்டிருந்தது.
எனினும், குறிப்பிட்ட தினத்தில் அவர் நீதிமன்றத்தில் முன்னிலையாகாததைத் தொடர்ந்து, தனது தரப்பு விளக்கத்தை முன்வைப்பதற்காக எதிர்வரும் நவம்பர் 30ஆம் திகதி மீண்டும் நீதிமன்றத்தில் ஆஜராகுமாறு அறிவித்தல் பிறப்பிக்கப்பட்டுள்ளது.







