புதிய இணைப்பு
மட்டக்களப்பு தனியார் பேருந்து தரிப்பிடத்தின் அருகிலுள்ள வாவியில், உயிரிழந்த நிலையில் ஆண் ஒருவர் சடலமாக மீட்கப்பட்டுள்ளதாக பொலிஸார் தெரிவித்துள்ளனர்.
குறித்த சடலம் இன்று (29.02.2024) காலை 9 மணியளவில் மீட்கப்பட்டுள்ளதாக கூறப்படுகிறது.
புதிய காத்தான்குடி 6 ஆம் பிரிவு ஏ.எல்.எஸ். மாவத்தையைச் சேர்ந்த 49 வயதுடைய முகமது கனிபா முகம்மது அஸ்மி என்பவரே இவ்வாறு சடலமாக மீட்கப்பட்டுள்ளார்.
முதல் இணைப்பு
மட்டக்களப்பு தனியார் பேருந்து தரிப்பிடத்திற்கு பின் புறமாக உள்ள ஆற்றங்கரைக்கு அருகாமையில் இன்று காலை (28) அடையாளம் காணப்படாத ஆண் ஒருவரின் சடலம் மீட்கப்பட்டுள்ளது!
இவ்வாறு மீட்கப்பட்ட சடலம் 45-60 வயது மதிக்கத்தக்கவர் என தெரிவிக்கப்பட்டுள்ளதுடன், இவர் உயிரிழந்து கிடப்பதற்கு அருகாமையில் பை ஒன்றும் காணப்பட்டுள்ளது.
குறித்த நபர் காத்தான்குடியை சேர்ந்தவராக இருக்கலாம் என பொதுமக்கள் தகவல் தெரிவிப்பதுடன், மட்டக்களப்பு தலைமையக பொலிஸார் இது தொடர்பில் மேலதிக விசாரணைகளை மேற்கொண்டுள்ளனர் என்பதும் குறிப்பிடத்தக்கது.
