மட்டக்களப்பில் வலம்புரிசங்குடன் தேரர் கைது!

மாத்தறையில் இருந்து மட்டக்களப்பிற்கு கடத்தி கொண்டு செல்லப்பட்ட ஒருகோடி ரூபா பெறுமதியான வலம்புரிசங்குடன் பௌத்த தேரர் உட்பட இருவர் கைது செய்யப்பட்டுள்ளனர்.

இவர்களை மட்டு கல்குடா பிரதேசத்தில் வைத்து நேற்று வியாழக்கிழமை (7) இரவு விசேட அதிரடிப்படையினர் கைது செய்துள்ளதாக கல்குடா பொலிஸார் தெரிவித்தனர்.

கைது செய்யப்பட்டவர்கள் விசாரணையின் பின்னர் நீதிமன்றில் ஆஜர்படுத்த நடவடிக்கை எடுக்கப்பட்டுள்ளதாக பொலிஸார் தெரிவித்தனர்.

இது தொடர்பான மேலதிக விசாரணைகளை கல்குடா பொலிஸார் மேற்கொண்டு வருகின்றனர்.