மட்டக்களப்பு கிரான் பிரதேச செயலாளர் பிரிவிலுள்ள சின்னவெம்பு கிராமத்தில் குடிசை வீட்டில் வசதியின்றி வாழ்தோருக்கான புதிய வீடுகள் கையளிக்கும் நிகழ்வு நேற்று (14) மாலை நடைபெற்றது.
இதன்போது 6 பயணாளிகளுக்கு இவ் வீடுகள் கையளிக்கப்பட்டதுடன், வடகிழக்கு முன்னேற்றக் கழகத்தின் தலைவர் கு.வி.லவக்குமார் தலைமையில் நடைபெற்ற நிகழ்வில் தவத்திரு வேலன் சுவாமி கலந்து கொண்டு வீடுகளை கையளித்தார்.
கடந்த வெள்ள நீர் காலத்தில் குடிசை வீடுகளில் வெள்ள நீர் உட்புகுந்ததினால் அதில் வாழமுடியாமல் பெரிதும் பாதிக்கப்பட்ட பயணாளிகள் தெரிவு செய்யப்பட்டு புலம்பெயர்ந்த நாடுகளில் வாழும் உறவுகளின் உதவியுடன் இவ் மனித நேய உதவி வழங்கி வைக்கப்பட்டுள்ளது.
இதன்போது பயணாளிகள் சுப வேளையில் பால் காச்சி இறை ஆசியுடன் குடிமனை புகுந்தனர்.இதன்போது அங்கு கருத்து தெரிவித்த வேலன் சுவாமி இது போன்று மட்டக்களப்பு மாவட்டத்தில் பாதிக்கப்பட்ட மக்கள் பலர் காணப்படுவதாகவும் அவர்களுக்கான இவ்வாறான உதவிகளை புரிய புலம்பெயர் நாட்டில் வாழும் மக்கள் முன்வரவேண்டும் என்றார்.
