பல்வேறு பிரதேசங்களில் மோட்டார் சைக்கிள்களை திருடி அதன் உதிரிபாகங்களை விற்பனை செய்ததாக கூறப்படும் நால்வர் மோட்டார் சைக்கிள்களின் இலக்கத் தகடுகளுடன் கைது செய்யப்பட்டுள்ளனர்.
கைது செய்யப்பட்டவர்கள் அநுராதபுரம் , தம்புள்ளை , மிரிஸ்கொனியாவ மற்றும் மொரகொல்ல உள்ளிட்ட பிரதேசங்களை சேர்ந்த 29 முதல் 44 வயதுக்குற்பட்டவர்களாவர்.
இராஜாங்கனை பிரதேசத்தில் இடம்பெற்ற இசை நிகழ்ச்சி ஒன்றில் திருடப்பட்ட பல்சர் ரக மோட்டார் சைக்கிள்கள் தொடர்பில் பொலிஸாருக்கு முறைப்பாடுகள் கிடைத்துள்ளன.
இதனையடுத்து பொலிஸாரால் மேற்கொள்ளப்பட்ட விசாரணையில் சந்தேக நபர்கள் கைது செய்யப்பட்டுள்ளனர்.
கைது செய்யப்பட்டவர்களில் மோட்டார் சைக்கிளை திருடிய பிரதான சந்தேக நபர், அதனை விற்பனை செய்ய உதவியவர், மோட்டார் சைக்கிளை கொள்வனவு செய்தவர் மற்றும் அவற்றை உதிரி பாகங்களாக பிரித்து விற்பனை செய்தவர் உள்ளிட்டோர் அடங்குவர்.
