சற்று முன்னர் மட்டக்களப்பு புகையிரத நிலையத்திற்கு முன்பாக உள்ள வீடு ஒன்றில் தீ விபத்து சம்பவம் ஒன்று இடம்பெற்றுள்ளது.
3 மாடிகளை கொண்ட வீடு ஒன்றில் 2ஆவது குடியிருப்பில் இச்சம்பவம் இடம்பெற்றுள்ளது. சம்பவம் தொர்பில் மேலும் தெரியவருவதாவது,
வீட்டின் உரிமையாளர்கள் கீழ் மாடியில் தங்களுடைய வேலைகளை செய்து கொண்டிருந்த போது இவர்களுக்கு மேல் உள்ள குடியிருப்பில் தீப்பற்றியது தெரியவந்துள்ளது.
அதன் பின்னர் வீட்டின் உரிமையாளர்கள் தீயணைப்பு குழுவினருக்கு தொலைபேசி மூலம் தகவல் தெரிவித்ததை தொடர்ந்து, சம்பவ இடத்திற்கு விரைந்த தீயணைப்பு குழுவினர் தீயை கட்டுப்பாட்டிற்குள் கொண்டுவந்தனர்.
இந்த சம்பவத்தினால் உயிராபத்துக்கள் எதுவும் நிகழவில்லை என்பதுடன், எவ்வாறு தீப்பற்றியது என்பது உரிமையாளர்களுக்கும் தெரியவில்லை என்று தகவல் தெரிவிக்கின்றனர்.
அதேசமயம் சம்பவம் தொடர்பாக மட்டக்களப்பு தலைமையக பொலிஸார் மேலதிக விசாரணை மேற்கொண்டுவருகின்றனர்.
