மட்டக்களப்பு மாவட்டத்தின் திக்கோடை விவசாய போதனாசிரியர் பிரிவின் புதுவட்டை கண்டத்தில், நாற்று நடும் இயந்திரத்தின் மூலமும், பரசூட் முறையிலும், சாதாரண வீசிவிதைத்தலிலும் ஒப்பீட்டு ரீதியிலான செய்கை நிகழ்வு நடைபெற்றது.
விவசாய போதனாசிரியர் எஸ்.சசிகுமார் தலைமையில் நடைபெற்ற நிகழ்விற்கு பிரதம அதிதியாக, மட்டக்களப்பு மாவட்ட பிரதி விவசாய பணிப்பாளர் எம்.பரமேஸ்வரன் கலந்து கொண்டார்.
பரசூட் முறையிலான நெற்செய்கை, நாற்று நடும் இயந்திரத்தின் மூலமான நாற்றுநடுகையின் நன்மைகள் பற்றிய தெளிவான விளக்கங்களுடன், முறையான செய்து காட்டல்கள் மூலம் விவசாய போதனாசிரியர்களால் விளக்கமளிக்கப்பட்டதுடன், ஏற்கனவே பரசூட் தட்டுக்களில் இடப்பட்ட நாற்றுகள் நடுகையும் செய்யப்பட்டது.
நிகழ்வில் உதவி விவசாய பணிப்பாளர் திருமதி நித்தியா நவரூபன், தெற்கு வலய விவசாய போதனாசிரியர்கள், தொழில்நுட்ப உத்தியோகத்தர்கள், விவசாயிகள் என பலரும் கலந்து கொண்டனர்.
இதேவேளை, மாவடி முன்மாதிரி கிராமத்திலும் தொழில்நுட்ப உதவியாளர் துஷாந்தின் ஏற்பாட்டில் நடைபெற்றமை குறிப்பிடத்தக்கது.
