ஐ.பி.எல். தொடரின் 17ஆவது சீசனின் இதுவரை 29 லீக் ஆட்டங்கள் முடிவடைந்துள்ளன.
இதில் நேற்று 2 லீக் ஆட்டங்கள் நடைபெற்றன. மாலை 3.30 மணிக்கு தொடங்கிய ஆட்டத்தில் லக்னோ அணியை வீழ்த்தி கல்கத்தாவும், இரவு 7.30 மணியளவில் நடைபெற்ற ஆட்டத்தில் மும்பை அணியை வீழ்த்தி சென்னையும் வெற்றி பெற்றன. இது 2 அணிகளுக்கும் 4வது வெற்றியாக பதிவானது.
29 லீக் ஆட்டங்கள் முடிவடைந்த நிலையில் புள்ளி பட்டியலில் அணிகளின் நிலை
6 போட்டிகளில் விளையாடி, ஒன்றில் மட்டுமே தோல்வியடைந்துள்ள ராஜஸ்தான் ரோயல்ஸ் அணி 10 புள்ளிகளுடன் முதலிடத்திலுள்ளது. கல்கத்தா மற்றும் சென்னை அணிகள் தலா 8 புள்ளிகள் பெற்றிருந்தாலும் ரன் ரேட் அடிப்படையில் கல்கத்தா 2ஆவது இடத்திலும், சென்னை 3ஆவது இடத்திலும் உள்ளன.
தலா 6 புள்ளிகள் பெற்ற நிலையில், ரன் ரேட் அடிப்படையில் ஹைதராபாத் 4ஆவது இடத்திலும், லக்னோ 5ஆவது இடத்திலும், குஜராத் 6ஆவது இடத்திலும் உள்ளன. பஞ்சாப், மும்பை மற்றும் டில்லி அணிகள் முறையே தலா 4 புள்ளிகளுடன் 7,8 மற்றும் 9ஆவது இடத்தில் உள்ளன. 6 போட்டிகளில் விளையாடி அதில் ஒரு வெற்றி மட்டுமே கண்டுள்ள ரோயல் செலஞ்சர்ஸ் பெங்களூரு அணி புள்ளி பட்டியலில் கடைசி இடத்திலுள்ளது.
