வரி செலுத்தாமல் சட்டவிரோதமான முறையில் நாட்டுக்குள் இறக்குமதி செய்யப்பட்ட சொகுசு காரை வைத்திருந்தமை மற்றும் வரி ஏய்ப்பு செய்தமை தொடர்பான குற்றச்சாட்டுகளை ஏற்றுக்கொள்வதாக முன்னாள் அமைச்சர் ஜோன்ஸ்டன் பெர்னாண்டோ கொழும்பு கோட்டை நீதவான் நீதிமன்றத்திற்கு அறிவித்துள்ளார்.
கொழும்பில் உள்ள பிரபல தனியார் விடுதியொன்றின் வாகன நிறுத்துமிடத்தில் கைவிடப்பட்ட நிலையில் மீட்கப்பட்ட சொகுசு கார் தொடர்பான வழக்கிலேயே அவர் இந்த அறிவிப்பை விடுத்துள்ளார்.
தனது சட்டத்தரணிகள் ஊடாக நீதிமன்றத்தில் இந்தக் கருத்துக்களை முன்வைத்துள்ள நிலையில், குறித்த வழக்கில் நீதிமன்றத்தின் தீர்மானம் எதிர்வரும் நவம்பர் 11ஆம் திகதி அறிவிக்கப்படவுள்ளது.
இந்த வழக்கின் அடுத்தகட்ட நடவடிக்கை தொடர்பில் நீதிமன்றம் வெளியிடவுள்ள அறிவிப்பு எதிர்பார்ப்பை ஏற்படுத்தியுள்ளது.
