தமிழ் கலாசாரம் மீது ஏற்பட்ட பற்றால் தமிழகத்துக்கு வந்த கஸகஸ்தானைச் சேர்ந்த தம்பதியர், இந்து முறைப்படி திருமணம் செய்துகொண்டுள்ளமை பலரின் கவனத்தை ஈர்த்துள்ளது.
கஸகஸ்தானைச் சேர்ந்த ஐ.டி. துறையில் பணியாற்றிவரும் டிமித்ரி – எலெனா தம்பதியர், ஆண்டுக்கு ஒருமுறை தமிழகத்துக்கு வந்து, இங்குள்ள பிரசித்தி பெற்ற கோயில்களுக்கு சென்று வழிபடுவதை வழக்கமாக கொண்டிருந்துள்ளனர்.
அப்போது தமிழ் கலாசாரம் மீது ஏற்பட்ட பற்றால் தமிழகத்தில் வைத்து திருமணம் செய்துகொள்ள முடிவெடுத்துள்ளனர். இதனையடுத்து அவர்கள் நாடி ஜோதிடர் ஒருவரின் ஏற்பாட்டில், நலங்கு வைத்து, அம்மி மிதித்து, அருந்ததி பார்த்து, மாலை மாற்றி, தாலி கட்டிக் கொண்டுள்ளனர்.
தொடர்ந்து திருக்கடையூர் அமிர்தகடேஸ்வரர் கோயிலுக்கு சென்று அவர்கள் சுவாமி தரிசனமும் செய்தனர்.
