யுத்தத்தில் கொல்லப்பட்டோருக்கு முள்ளிவாய்க்கால் கடற்கரையில் பிதிர்க்கடன்!

யுத்தத்தின்போது முள்ளிவாய்க்காலில் கொல்லப்பட்ட மக்களின் ஆத்மசாந்தி பிரார்த்தனை, பிதிர்க்கடன் நிறைவேற்றல் இன்றைய தினம் சனிக்கிழமை (18) முள்ளிவாய்க்கால் கப்பல் வீதியில் உள்ள கடற்கரைப் பகுதியில் நடைபெற்றது.

2009ஆம் ஆண்டு இடம்பெற்ற தமிழின விடுதலை போராட்டத்தில் முள்ளிவாய்க்காலில் உயிரிழந்த உறவுகளுக்கான பிதிர்க்கடன் செய்யும் வழிபாடும், ஆத்ம சாந்திக்கான பிரார்த்தனையும் இன்று காலை 7.30 மணி முதல் முள்ளிவாய்க்கால் கப்பல் வீதியில் உள்ள கடற்கரைப் பகுதியில் விசேடமாக ஒழுங்கமைக்கப்பட்டுள்ள இடத்தில் நேர்த்தியான முறையில் நடைபெற்றன.

பிதிர்க்கடன் வழிபாட்டில் கட்சி, சாதி, மத பேதமில்லாமல் உறவுகளை இழந்த பெருந்திரளானோர் இறந்தவர்களின் பெயர்களை கூறி பிதிர்க்கடனை நிறைவேற்றினர்.

அதனை தொடர்ந்து தமிழின படுகொலையின் 15ஆவது ஆண்டு நினைவேந்தல் நிகழ்வுகள் முள்ளிவாய்க்கால் நினைவு முற்றத்தில் மிகவும் உணர்வுபூர்வமாக நடைபெற்றன.