மக்களுக்கு சேவை வழங்குவதற்காகவே அதிகாரிகள் உள்ளோம். மக்களின் குறைபாடுகளை எந்தவித தாமதமும் இன்றி நிவர்த்தி செய்யவேண்டும் அதிகாரிகளுக்கு பணிப்புரைவிடுத்துள்ளேன் என கிழக்கு மாகாண ஆளுநர் செந்தில் தொண்டமான் தெரிவித்தார்.
அரசாங்கத்தினால் முன்னெடுக்கப்படும் எந்தவி தமமான வேலைகளையும் முடித்துத் தருவதற்காக
கிழக்கு மாகாண ஆளுநர் காரியாலயம் 24 மணித்தியாலங்களும் மக்களின் சேவைக்காக திறந்திருக்கும்
என்றும் அவர் கூறினார்.
அவர் மேலும் தெரிவிக்கையில் ஜனாதிபதி ரணில் விக்கிரமசிங்க என்னை கிழக்கு மாகாண ஆளுநராகவும், மூன்று மாவட்டங்களின் அபிவிருத்தி ஒருங்கிணைப்புக்குழு இணைத் தலைவராகவும் நியமித்துள்ளார். எல்லா பிரச்னைகளையும் கடவுளால் மாத்திரமே தீர்த்துவைக்க முடியும். கிழக்கு மாகாணத்தில் அரசாங்கத்தினால் தீர்த்து வைக்கக் கூடிய அனைத்து பிரச்னைகளையும் தீர்த்துவைக்க முயற்சிகள் மேற்கொள்ளப்படும் என்றார்.
நல்லாட்சி அரசாங்கத்தில் காலத்தில் முன்னாள் அமைச்சர் மனோ கணேசனின் 20 மில்லியன் ரூபா
நிதி ஒதுக்கீட்டில் நிர்மாணிக்கப்பட்ட மட்டக்களப்பு செங்கலடி பொதுச் சந்தையின் மீன் சந்தை
கட்டடத் தொகுதி நேற்று முன் தினம் வியாழக்கிழமை மாலை உத்தியோகபூர்வமாகத் திறந்துவைக்கப்பட்டது.
இந்நிகழ்வில் கிழக்கு மாகாண ஆளுநர் செந்தில் தொண்டமான், இராஜாங்க அமைச்சர் ச.வியாழேந்திரன், கிழக்கு மாகாண உள்ளூராட்சி ஆணையாளர் நா.மணிவண்ணன், மட்டக்களப்பு மாவட்ட உள்ளூராட்சி உதவி ஆணையாளர் சி.பிரகாஷ் உட்பட பலர் கலந்துகொண்டனர்.
