தோனியின் தயாரிப்பு நிறுவனம் தன்னுடைய முதல் பெரிய பட்ஜெட் படத்தை தமிழில் தயாரித்திருக்கிறது .விளையாட்டு உலகில் மிகவும் விரும்பப்படும் வீரர்களில் ஒருவராக தோனி இருந்து வருகிறார்.
சமூக வலைதளங்களில் தோனி ஆக்டிவாக இல்லாவிட்டாலும்கூட அவரை பின்தொடர்வோர், அவரது ரசிகர்கள் எண்ணிக்கை நாளுக்கு நாள் அதிகரித்துக் கொண்டே போகிறது.
கிரிக்கெட்டில் அவருக்கு ஈடு இணை யாரும் கிடையாது என்று அவரது ரசிகர்கள் கூறி வருகின்றனர். தன்னுடைய ‘தோனி என்டர்டெயின்மென்ட்’ நிறுவனம் சார்பாக ரோர் ஆஃ தி லயன், ப்ளேஸ் டு குளோரி மற்றும் தி ஹிடன் ஹிந்து ஆகிய மூன்று சின்ன பட்ஜெட் படங்களை தயாரித்துள்ளார்.
இந்நிலையில் இந்த நிறுவனம் தயாரிக்கும் முதல் பெரிய பட்ஜெட் திரைப்படம் தமிழ் மொழியில் உருவாகியிருக்கிறது . அத்துடன் தமிழில் உருவாகும் அந்த படத்தை பல மொழிகளிலும் அவர்கள் வெளியிட உள்ளனர்.
LGM (Let’s Get Married) என்று பெயர் சூட்டப்பட்டுள்ள இந்த திரைப்படத்தில் ஹரிஷ் கல்யாண், நதியா மற்றும் லவ் டுடே நாயகி இவானா,நகைச்சுவை நடிகர் யோகி பாபு ,மேலும் தீபா, விடிவி கணேஷ், ஸ்ரீநாத் ஆர்ஜே விஜய், வினோதினி வைத்தியநாதன் ஆகியோரும் முக்கிய வேடங்களில் நடித்துள்ளனர்.
இந்த திரைப்படத்திற்கு இயக்குனர் ரமேஷ் தமிழ்மணி இசையமைக்கிறார். பாடலாசிரியர் மதன் கார்க்கியின் வரிகளில்உருவாகியிருக்கிறது.
அதேசமயம் இந்த திரைப்படத்தின் உத்தியோகப்பூர்வ டீசர் (2023.06.07) இன்று மாலை 7.00 மணிக்கு வெளியாகும் என தோனி என்டேர்டைன்மெண்ட் தயாரிப்பு நிறுவனம் தெரிவித்துள்ளது.
