உலகத்தன்மம் சமூக அமைப்பின் ஏற்பாட்டில் “உம் உதிரத்தால் அறம் செய் ஓர் உயிர் பிரியா நிலை காக்க உம் உன்னத உதிரம் தர வாரீர்”; எனும் தொனிப் பொருளில் உலக இரத்ததான தினத்தினை முன்னிட்டு மாவட்ட மட்டத்திலான இரத்ததான முகாம் வியாழக்கிழமை (27) ஆம் திகதி நேற்று களுவாஞ்சிகுடியிலுள்ள இராசமாணிக்கம் மண்டபத்தில் ஒழுங்கு செய்யப்பட்டிருந்தது.
உலகத்தன்மம் சமூக அமைப்பின் ஏற்பாட்டில் அமைப்பின் மண்முனை தென் எருவில் பற்று திட்ட செயற்பாட்டு குழு தலைவி திருமதி.ஏஞ்சலா கணேசலிங்கம் தலைமையிலும், திட்ட செயற்பாட்டு குழு உபதலைவர் திரு.வ.குணசேகரம் ஒருங்கிணைப்பிலும், அமைப்பின் ஸ்தாபகர் செ.ரா.பயஸ்ராஜேந்திரன் அவர்களின் வழிகாட்டுதலிலும், அமைப்பின் அமைப்பாளர் யோ.இதயகீதன் அவர்களின் மேற்பார்வையில் இவ் இரத்த தான முகாமானது காலை 9.00 மணி தொடக்கம் 2.30 மணி வரை நடைபெற்றது.
இந் நிகழ்வில் பிரதம அதிதியாக அபயவிக்கிரம நிலைய பொறுப்பதிகாரி பொலிஸ் நிலையம் களுவாஞ்சிகுடி ,சிறப்பு அதிதியாக வி.தவேந்திரன் நிர்வாக உத்தியோகத்தர் மண்முனை தென் எருவில் பற்று பிரதேச செயலகம், கௌரவ அதிதிகளாக பி.திவிதரன் பிரதி கல்வி பணிப்பாளர் வலய கல்வி அலுவலகம் பட்டிருப்பு, மற்றும் ம.சத்தியநாராயணன் கிராம சேவை உத்தியோகத்தர் போரதீவுப்பற்று பிரதேச செயலக பிரிவு ஆகியோர் கலந்துகொண்டிருந்தனர்.
இந் நிகழ்வில் அமைப்பின் இயங்கு நிலையில் இருக்கும் மட்டக்களப்பு மாவட்ட மட்டத்திலான மண்முனை வடக்கு, மண்முனை பற்று, மண்முனை தென் எருவில் பற்று, போரதீவுப்பற்று பிரதேச பிரிவுகளில் இருந்து சுமார் 83 அமைப்பின் உறுப்பினர்கள் கலந்து கொண்டனர்.
அமைப்பின் உறுப்பினர்கள் மற்றும் பிரதேச பிரதிநிதிகள் சமூக ஆர்வலர்கள்; மற்றும் இளைஞர், யுவதிகள் மற்றும் பொதுமக்கள் என 45 குருதி கொடையாளர்கள் இவ் உன்னத பணியில் கலந்து கொண்டு இரத்ததானம் வழங்கினர்.
அதேசமயம் இன் நிகழ்விற்கு பார்வை ஒளியியல் பரிசோதனை நிலையத்தால் இலவச கண் பரிசோதனை முகாம் நடைபெற்றது. இதில் 30 ற்கும் மேற்பட்டோர் பயன் அடைந்தமை குறிப்பிடத்தக்கது.
மேலும் இன் நிகழ்வுக்கு அனுசரணை வழங்கிய அனைத்து நல்லுள்ளங்களுக்கும், விசேடவிதமாக குருதி கொடையாளர்களுக்கும் உலகத்தன்மம் சமூக அமைப்பின் சார்பில் மனமார்ந்த நன்றிகளை ஏற்பாட்டு குழுவினர் தெரிவித்துக் கொண்டமையும் குறிப்பிடத்தக்கது.
