வீதியில் பயணித்தவர்களை வாளால் தாக்கிய நபர் கைது!

வாளுடன் வீதிக்குச் சென்ற நபரொருவர் வீதியில் பயணித்த பொதுமக்களை தாக்கிய சம்பவம் தலங்கமை பிரதேசத்தில் இடம்பெற்றுள்ளதாக தலங்கமை பொலிஸார் தெரிவித்தனர்.

இந்த சம்பவம் நேற்று (30) ஞாயிற்றுக்கிழமை இரவு இடம்பெற்றுள்ளது.

இவர் குடிபோதையில் இருந்துள்ளதாகவும் இதன்போது வீதியிலிருந்த 4 வாகனங்கள் சேதமடைந்துள்ளதாகவும் பொலிஸார் தெரிவித்தனர்.

இதனையடுத்து, இவர் பொலிஸாரால் கைது செய்யப்பட்டுள்ள நிலையில் நீதிமன்றில் ஆஜர்படுத்த நடவடிக்கை எடுக்கப்பட்டுள்ளதாக பொலிஸார் தெரிவித்தனர்.