அம்பாறை மாவட்ட மக்களின் பிரச்சனைகளுக்கு “உரிய இடத்தில் தீர்வு” வழங்கும் நோக்கில், நடமாடும் சேவை கிழக்கு மாகாண ஆளுநர் செந்தில் தொண்டமான் தலைமையில் இடம்பெறவுள்ளதாக கிழக்கு மாகாண ஆளுநர் செய லக திட்டமிடல் பணிப்பாளர் ஏ. எஸ். எம். பாயிஸ் தெரிவித்தார்.
கிழக்கு மாகாண ஆளுநர் செந்தில் தொண்டமானின் அறிவுறுத்தல்களுக்கு அமைவாக, ஆளுநர் செயலகத்தால் ஏற்பாடு செய்யப்பட்ட இந்த நடமாடும் சேவை இன்று திங்கட்கிழமை காலை 11.00 மணியிலிருந்து மாலை 4.00 மணிவரை அம்பாறை மாவட்ட செயலகத்தில் நடைபெறவுள்ளது.அம்பாறை மாவட்டத்தி லுள்ள பொதுமக்கள் எதிர் நோக்கி வருகின்ற பிரச்னைகளை இன்றைய தினம் தெரிவிக்க முடியும். இந்தப் பிரச்னைகளுக்கு விடயங்களுடன் தொடர்புடைய மாகாண அமைச்சுக்களின் செயலாளர்கள், திணைக்களத் தலைவர்கள் மீளாய்வு செய்யப்பட்ட பின்னர், அவர்களுக்கான தீர்வு ஆளுநரால் வழங்கப்படும் என்று அறி விக்கப்பட்டுள்ளது.
இன்றைய தினம் பொது மக்களின் பிரச்னைகளுக்கு மாத்திரமே தீர்வு வழங்கப்படவுள்ளதால், அரச ஊழியர்களின் இடமாற்றம் தொடர்பான எந்தப் பிரச்னைகளும் ஏற்றுக் கொள்ளப்படமாட்டாது என்றும் கிழக்கு மாகாண ஆளுநர் செயலக திட்டமிடல் பணிப்பாளர் ஏ.எஸ்.எம்.பாயிஸ் சுட்டிக்காட்டினார்.
