கொழும்பு பகுதியில் திருட்டு சம்பவங்களில் ஈடுபட்டு வந்த இளைஞன் கைது!

கொழும்பு, வெல்லம்பிட்டி பொலிஸ் பிரிவுக்கு உட்பட்ட கொட்டுவில பிரதேசத்தில் பல்வேறு திருட்டு சம்பவங்களுடன் தொடர்புடைய சந்தேக நபரொருவர் மேல் மாகாணத்தின் தெற்கு பொலிஸ் குற்றத் தடுப்புப் பிரிவினரால் நேற்று (26) கைது செய்யப்பட்டுள்ளார்.

மேல் மாகாணத்தின் தெற்கு பொலிஸ் குற்றத் தடுப்புப் பிரிவினருக்குக் கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர் கைது செய்யப்பட்டுள்ளார்.

கொழும்பு, வெல்லம்பிட்டி பிரதேசத்தைச் சேர்ந்த 25 வயதுடைய இளைஞரொருவரே கைது செய்யப்பட்டுள்ளார்.

சந்தேக நபரிடமிருந்து 02 தங்க வளையல்கள், 03 மேதிரங்கள் , 04 தங்க மாலைகள் மற்றும் 09 கையடக்கத் தொலைபேசிகள் என்பன கைப்பற்றப்பட்டுள்ளன.

கைது செய்யப்பட்ட சந்தேக நபர், வெல்லம்பிட்டி, நவகமுவ மற்றும் ஹங்வெல்ல ஆகிய பிரதேசங்களில் வீடுகளை உடைத்து பெறுமதியான பொருட்களை திருடியுள்ளதாக பொலிஸ் விசாரணையில் தெரியவந்துள்ளது.

இது தொடர்பான மேலதிக விசாரணைகளை மேல் மாகாணத்தின் தெற்கு பொலிஸ் குற்றத் தடுப்புப் பிரிவினர் மேற்கொண்டு வருகின்றனர்.