மட்டக்களப்பு மாவட்டம், கொக்கட்டிச்சோலை பொலிஸ் பிரிவுக்குட்பட்ட பனிச்சங்கேணி பகுதியில் பொலிஸார் மேற்கொண்ட விசேட சோதனை நடவடிக்கையின்போது 14 பரல் கோடா கைப்பற்றப்பட்டுள்ளது.
கடந்த மாதம் 31ஆம் திகதி இடம்பெற்ற இந்தச் சோதனை நடவடிக்கையின்போது, மொத்தம் 252,000 மில்லிலீற்றர் கோடா மீட்கப்பட்டுள்ளதாகத் தெரிவிக்கப்படுகிறது.
சாஜன் ஜெயரத்தினம் தலைமையிலான பொலிஸ் குழுவினரால் இந்த விசேட சோதனை நடவடிக்கை முன்னெடுக்கப்பட்டுள்ளது.
இச்சம்பவம் தொடர்பில் மேலதிக தகவல்கள் மற்றும் சட்ட நடவடிக்கைகள் குறித்த விபரங்கள் வெளியாகவில்லை.
