யாழ். மாநகர வரியிறுப்பாளர்களின் நன்மை கருதி நாளை புதன்கிழமை காலை 9 மணி முதல் மாலை 3
மணி வரை நடமாடும் சேவை ஸ்ரான்லி வீதியில் அமைந்துள்ள எஸ். ரி. ஆர். திருமண மண்டப நுழைவாயிலில் நடைபெறவுள்ளது. இதில் வட்டாரம் 14 ,15ஆம் வட்டாரங்களுக்கான ஆதன வரி அறிவித்தல் படிவம் சோலை வரி வழங்கல் பெயர் மாற்ற விண்ணப்ப படிவம் வழங்கல் சைக்கிள் உரிமம் வழங்கல் போன்ற சேவைகள் வழங்கப்படவுள்ளன என்று யாழ். மாநகர ஆணையாளர் அறிவித்துள்ளார்.
“பொது மக்களால் இதுவரை காலமும் செலுத்தாதுள்ள ஆதனவரி நிலுவைகள் மற்றும் நடப்பாண்டு
ஆதனவரி போன்றவற்றை பெற்று யாழ். மாநகர சபையின் அபிவிருத்தி நடவடிக்கைகளை துரிப்படுத்த திட்டமிட்டுள்ளோம். அத்துடன் நடப்பாண்டின் ஆதன வரியை முழுமையாக செலுத்தும் பட்சத்தில் மூன்றாம் நான்காம் காலாண்டுக்கான ஆதனவரியில் 5 வீதத்தை கழிவாகப் பெற்றுக்கொள்ளலாம்” – என்றும் ஆணையாளர் விடுத்துள்ள செய்திக் குறிப்பில் தெரிவிக்கப்பட்டுள்ளது.
