ஜனாதிபதி தேர்தல் தொடர்பான ஊடக வழிகாட்டல்களை (விதிகளை) பின்பற்றாத ஊடக நிறுவனங்களுக்கு உத்தியோகபூர்வ தேர்தல் முடிவுகளை வெளியிடுவதா இல்லையா என்பதை தீர்மானிக்க தேர்தல்கள் ஆணைக்குழுவுக்கு அவகாசம் உள்ளதாக ஆணைக்குழுவின் தலைவர் ஆர். எம். ஏ. எல். ரத்நாயக்க இன்று (12) தெரிவித்தார்.
இலங்கை காகிதக்கலை சங்கம் ‘சுதந்திரமான மற்றும் நியாயமான தேர்தலுக்கு வெகுஜன ஊடகங்களின் பங்கு’ என்ற தலைப்பில் இன்று (12) கொழும்பில் நடைபெற்ற விசேட மாநாட்டில் தேர்தல் ஆணைக்குழு தலைவர் ஆர். எம். ஏ. எல். ரத்நாயக்க இவ்வாறு தெரிவித்தார்.
தேர்தல் ஆணையத்தின் அறிவுறுத்தல்களுக்கு எதிராக ஒரு ஊடக நிறுவனம் செயல்பட்டால், சட்டப்படி நடவடிக்கை எடுப்பதற்கு முன் பல நடவடிக்கைகள் எடுக்கப்படும் எனவும், ஆணைக்குழுவினால் நடத்தப்படும் ஊடகவியலாளர் மாநாடுகளில் இருந்து அவர்களை நீக்குதல், தகவல்களை வழங்காமை, அவர்களின் தொலைபேசி அழைப்புகளுக்கு பதிலளிக்காமை போன்ற நடவடிக்கைகளை பின்பற்ற முடியும் எனவும் அவர் மேலும் குறிப்பிட்டுள்ளார்.
ஊடக அமைச்சின் செயலாளர், அரசாங்கத் தகவல் பணிப்பாளர் நாயகம் உள்ளிட்ட அதிகாரிகள் குழுவொன்று, அனைத்து ஊடக நிறுவனங்களும், ஜனாதிபதி வேட்பாளர்களுக்காக தமது பிரதான செய்தி ஒளிபரப்புகளுக்கு ஒதுக்கும் நேரம் குறித்து தினமும் விசாரிக்கும் எனவும், செய்தித்தாள்கள் சமூக ஊடகங்கள் உள்ளிட்ட அனைத்து ஊடகங்களும் செயல் படுவதை தேர்தல் ஆணையம் உன்னிப்பாக கவனித்து வருவதாகவும் தேர்தல் ஆணைக்குழுவின் தலைவர் தெரிவித்திருந்தார்.
