ஹம்பாந்தோட்டை- தனமல்வில பொலிஸ் பிரிவுக்கு உட்பட்ட கிவுலஆர பிரதேசத்தில் பயிரிடப்பட்டு வந்த கஞ்சா தோட்டம் ஒன்று பொலிஸ் விசேட அதிரடிப்படையினரால் கண்டுபிடிக்கப்பட்டுள்ளது.
பொலிஸ் விசேட அதிரடிப்படையினருக்குக் கிடைத்த தகவலின் பேரில் மேற்கொள்ளப்பட்ட சுற்றிவளைப்பில் இந்த கஞ்சா தோட்டம் கண்டுபிடிக்கப்பட்டுள்ளது.
இதனையடுத்து, இந்த கஞ்சா தோட்டத்தில் பயிரிடப்பட்டிருந்த 7,500 கஞ்சா செடிகளை தீ வைத்து எரிப்பதற்கு பொலிஸ் விசேட அதிரடிப்படையினர் நடவடிக்கை எடுத்துள்ளனர்.
இந்த கஞ்சா தோட்டத்தை பராமரித்து வந்ததாக கூறப்படும் தனமல்வில பிரதேசத்தைச் சேர்ந்த 25 வயதுடைய இளைஞன் ஒருவன் கைது செய்யப்பட்டுள்ளார்.
கைது செய்யப்பட்ட சந்தேக நபர் மேலதிக விசாரணைகளுக்காக தனமல்வில பொலிஸ் நிலையத்தில் ஒப்படைக்கப்பட்டுள்ளார்.
இது தொடர்பான மேலதிக விசாரணைகளை தனமல்வில பொலிஸார் மேற்கொண்டு வருகின்றனர்.
