புதிய பிரதமர் மற்றும் அமைச்சரவைக்கு எனது மனமார்ந்த வாழ்த்துகளைத் தெரிவித்துக் கொள்வதாக முன்னாள் இராணுவத் தளபதி பீல்ட் மார்ஷல் சரத் பொன்சேகா தெரிவித்துள்ளார்.
இது தொடர்பில் அவர் வெளியிட்ட எக்ஸ் பதிவில்,
இலங்கை ஜனநாயக சோசலிச குடியரசின் பிரதமராக ஹரிணி அமரசூரிய பதவிப் பிரமாணம் செய்து கொண்டார்.
அவர்களுக்கு வழங்கப்பட்ட ஆணைக்கு இணங்க பதவிப் பிரமாணம் செய்து கொண்ட புதிய அமைச்சரவையையும் நான் மனதார வாழ்த்துகிறேன்.
ஜனாதிபதி அனுரா திசநாயக்க 2010ஆம் ஆண்டு ஜனாதிபதித் தேர்தலில் என்னுடன் இணைந்து “நம்பத்தகுந்த மாற்றத்திற்காக” நின்றீர்கள் 2010ஆம் ஆண்டு நாடாளுமன்றத் தேர்தலின் போது நான் சிறையில் இருந்தபோது உங்களது பெரும் பலத்துடன் என்னை ஆதரித்தீர்கள்.
தற்போதைய சவால்களில் இருந்து இந்த தேசத்தை மீண்டும் கட்டியெழுப்ப நீங்கள் அனைவரும் அதே பலத்தையும் தைரியத்தையும் பெற பிரார்த்திக்கிறேன்.
நாங்கள் ஒன்றாகக் கட்டியெழுப்ப விரும்புகின்ற ஒரு நாட்டை ஊழல் மற்றும் தவறான நிர்வாகமற்ற ஒழுக்கமான நாட்டை, நிலையான பொருளாதாரத்துடன் உருவாக்க வேண்டும் என்று நான் இன்னும் கனவு காண்கிறேன்.
இந்த தரிசனத்திற்காக அயராது உழைக்க நான் உறுதியாக இருக்கிறேன் இதுவே இந்த நாட்டின் பெரும்பான்மையான மக்களின் பிரார்த்தனையும் ஆகும். ஜனாதிபதி அனுரகுமார திஸாநாயக்க, பிரதமர் ஹரினி அமரசூரிய மற்றும் புதிதாக நியமிக்கப்பட்டுள்ள அமைச்சரவை மக்களுக்கான தமது பொறுப்புக்களை நிறைவேற்றுவார்கள் என நான் மனப்பூர்வமாக நம்புகிறேன் எனவும் அதில் குறிப்பிடப்பட்டுள்ளது.
