ஐஸ் போதைப்பொருளுடன் ஒருவர் கைது!

ஐஸ் போதைப்பொருளை கடத்தி வந்த நபரை பொலிஸ் விசேட அதிரடிப்படையினர் கைதுசெய்துள்ளனர்.

விசேட அதிரடிப்படையினரின் சுற்றிவளைப்பில் நேற்றுமுன்தினம் (26) மீத்தியகொட பகுதியில் வைத்து குறித்த சந்தேகநபர் கைதுசெய்யப்பட்டுள்ளார்.

கைது செய்யப்பட்டவர் படல்கும்புர பிரதேசத்தைச் சேர்ந்த 28 வயதுடையவர் என்பதுடன் அவரிடமிருந்து 03 கிராம் 420 மில்லிகிராம் ஐஸ் போதைப்பொருளும் 43,000 ரூபா பணமும் கைப்பற்றப்பட்டு மீத்தியகொட பொலிஸ் நிலையத்தில் ஒப்படைக்கப்பட்டுள்ளதாக பொலிஸார் தெரிவித்துள்ளனர்.

இச்சம்பவம் குறித்து மேலதிக விசாரணைகளை பொலிஸார் மேற்கொண்டு வருகின்றனர்.