சட்டவிரோதமாக கொண்டுவரப்பட்ட 55 இலட்சத்து 20 ஆயிரம் ரூபா பெறுமதியான வெளிநாட்டு சிகரட்டுகளுடன் பெண் ஒருவர் கட்டுநாயக்க விமான நிலையத்தில் வைத்து பொலிஸ் போதைப்பொருள் தடுப்பு பிரிவினரால் நேற்று திங்கட்கிழமை (30) அதிகாலை கைது செய்யப்பட்டுள்ளார்.
கைது செய்யப்பட்ட பெண் ஜாஎல பிரதேசத்தை சேர்ந்த 34 வயதுடையவர் ஆவார்.
சந்தேக நபரான பெண் துபாயிலிருந்து நேற்று அதிகாலை 12.00 மணியளவில் கட்டுநாயக்க விமான நிலையத்தை வந்தடைந்துள்ளார்.
இதன்போது, விமான நிலைய அதிகாரிகளால் மேற்கொள்ளப்பட்ட சோதனையில் பெண்ணின் பயணப் பொதியிலிருந்து 36,800 சிகரட்டுகள் அடங்கிய 184 சிகரட்டு காட்டுன்கள் கைப்பற்றப்பட்டுள்ளன.
இதனையடுத்து, கைது செய்யப்பட்ட பெண் பொலிஸ் பிணையில் விடுதலை செய்யப்பட்டுள்ளதுடன், அவரை எதிர்வரும் ஒக்டோபர் மாதம் 2 ஆம் திகதி நீர்கொழும்பு நீதவான் நீதிமன்றில் ஆஜராகுமாறு பொலிஸார் தெரிவித்துள்ளனர்.
